ഇന്ത്യൻ വിപണി ലക്ഷ്യമിട്ട് ഇലക്ട്രിക് ഇരുചക്ര വാഹന കമ്പനിയായ മാറ്റർ . മാറ്റർ എറ എന്നറിയപ്പെടുന്ന ഈ പുതിയ ബൈക്കിൽ കമ്പനി നിരവധി മികച്ച സവിശേഷതകൾ നൽകിയിട്ടുണ്ട്. ഇലക്ട്രിക് ആണെങ്കിലും ഗിയർ സജ്ജീകരണമുണ്ട് എന്നതാണ് ഈ ബൈക്കിന്‍റെ പ്രധാന പ്രത്യേകത. ഈ ഇലക്ട്രിക് മോട്ടോർസൈക്കിളിന്റെ ഡൽഹിയിലെ എക്സ്-ഷോറൂം വില 1.93 ലക്ഷം രൂപയാണ്. മൂന്ന് വർഷം അല്ലെങ്കിൽ ഒരുലക്ഷം കിലോമീറ്റർ വാറന്റി കമ്പനി വാഗ്ദാനം ചെയ്യുന്നു.
മാറ്റർ എറയുടെ പ്രധാന സവിശേഷതകളിലൊന്ന് അതിന്റെ ‘ഹൈപ്പർഷിഫ്റ്റ്’ ട്രാൻസ്‍മിഷനാണ്. കമ്പനി സ്വന്തമായി രൂപകൽപ്പന ചെയ്ത നാല് സ്പീഡ് മാനുവൽ ഗിയർബോക്സാണിത്.
ബൈക്കിൽ ശക്തമായ ബാറ്ററിയും മോട്ടോറും കമ്പനി നൽകുന്നുണ്ട്. ഒറ്റ ചാർജിൽ 172 കിലോമീറ്റർ വരെ സഞ്ചരിക്കാൻ കഴിയുന്ന IP67 റേറ്റഡ് ബാറ്ററിയാണ് ബൈക്കിലുള്ളത്. മോട്ടോർ ഘടിപ്പിച്ചാൽ 0-40 കിലോമീറ്റർ വേഗത കൈവരിക്കാൻ ബൈക്കിന് 2.8 സെക്കൻഡ് മാത്രമേ എടുക്കൂ. കിലോമീറ്ററിന് വെറും 25 പൈസ ചെലവിൽ ബൈക്ക് ഓടിക്കാൻ കഴിയുമെന്ന് കമ്പനി പറയുന്നു.
ഈ ഇലക്ട്രിക് മോട്ടോർസൈക്കിളിന് ഏഴ് ഇഞ്ച് സ്‍മാർട്ട് ടച്ച്‌സ്‌ക്രീൻ ഉണ്ട്. നാവിഗേഷൻ, റൈഡ് ഡാറ്റ, മ്യൂസിക് കൺട്രോൾ തുടങ്ങിയ സവിശേഷതകൾ ഇതിൽ നൽകിയിരിക്കുന്നു. ഒടിഎ അപ്‌ഡേറ്റും ഇതിൽ നൽകിയിരിക്കുന്നു.
ഡ്യുവൽ ഡിസ്‍ക് ബ്രേക്ക്, എബിഎസ്, ഡ്യുവൽ സസ്‌പെൻഷൻ സിസ്റ്റം, സ്‍മാർട്ട് പാർക്ക് അസിസ്റ്റ് തുടങ്ങിയ സവിശേഷതകളും ബൈക്കിൽ നൽകിയിരിക്കുന്നു. കീലെസ്, റിമോട്ട് ലോക്ക് / അൺലോക്ക്, ലൈവ് ലൊക്കേഷൻ, ജിയോ ഫെൻസിംഗ് എന്നിവയും മാറ്റർ ആപ്പ് വഴി വാഗ്ദാനം ചെയ്യുന്നു.
