ഇന്നത്തെ കാലത്ത്, ഇന്റർനെറ്റിൽ വൈറലാകുന്ന വീഡിയോകളും ചിത്രങ്ങളുമെല്ലാം സത്യമാണോ എന്നതിന് യാതൊരു വിധ ഉറപ്പുമില്ല.
എഐ യിൽ ജനറേറ്റ് ചെയ്‌ത വീഡിയോകൾ ഇപ്പോൾ സോഷ്യൽ മീഡിയയെ കീഴടക്കുകയാണ്, , യാഥാർത്ഥ്യത്തെ ഫിക്ഷനിൽ നിന്ന് വേർതിരിച്ചറിയാൻ പ്രയാസമാണ്. ഇപ്പോഴിതാ അത്തരത്തിലുള്ള ഒരു വീഡിയോ വൈറലാകുകയാണ്.
ഒരു ഇന്ത്യൻ തെരുവിൽ ഉറങ്ങിക്കിടക്കുന്ന ഒരാളെ പതുക്കെ അരികിലെത്തിയ സിംഹം മണം പിടിച്ച് നോക്കിയിട്ട് നടന്നു പോകുന്നതാണ് വീഡിയോയിലുള്ളത്. ഈ വൈറൽ ക്ലിപ് ഒരു പുതിയ സംവാദം തന്നെയാണ് ഇന്റർനെറ്റിൽ തുടക്കമിട്ടത്.“ഇത് യഥാർത്ഥമാണോ അതോ AI-യിൽ ജനറേറ്റ് ചെയ്‌തതാണോ? എന്ന് നിരവധി പേരാണ് ചോദിച്ചിരിക്കുന്നത്.
സോഷ്യൽ മീഡിയയിൽ വീഡിയോ 7 ദശലക്ഷം പേരാണ് കണ്ടത്. ഇത് AI-യിൽ ജനറേറ്റ് ചെയ്‌തതാണെന്ന് പിന്നീട് പുറത്തുവന്നു. ആളുകളെ തെറ്റിദ്ധരിപ്പിക്കാനോ ആശയക്കുഴപ്പത്തിലാക്കാനോ AI ഉപയോഗിക്കാനുള്ള അപാര സാധ്യതയാണ് ഇത് സൂചിപ്പിക്കുന്നതെന്ന് നെറ്റിസൺസ് പറയുന്നു. നിരവധി ആളുകളാണ് ഈ വീഡിയോക്ക് കമന്റുകളുമായെത്തിയിരിക്കുന്നത്.
“, AI-യിൽ നിന്നുള്ള ഈ വീഡിയോ നിങ്ങൾ എങ്ങനെ തിരിച്ചറിയുന്നുവെന്ന് ദയവായി വിശദീകരിക്കാമോ?” ഒരു ഉപയോക്താവ് ചോദിച്ചു. “ഡീപ്ഫേക്കും AI-യും എത്ര മാത്രം പ്രശ്നങ്ങൾ സൃഷ്ടിക്കുമെന്ന് ഊഹിച്ചാൽ മതിയെന്ന് ,” മറ്റൊരാൾ അഭിപ്രായപ്പെട്ടു.
“എന്നെ അറിയിച്ചതിന് നന്ദി. ഞാനും ആശയക്കുഴപ്പത്തിലായിരുന്നു, അത് ആളുകൾക്ക് അയയ്ക്കാൻ പോവുകയായിരുന്നു!” മറ്റൊരു ഉപയോക്താവ് പറഞ്ഞു.
