ചൈനയില്‍ ബിയര്‍ ഡിമാന്റ് കുതിച്ചുയരുന്നുവെന്ന് റിപ്പോര്‍ട്ട്. അടുത്ത ഒരു പതിറ്റാണ്ടില്‍ ചൈനയിലെ വാര്‍ഷിക ബിയര്‍ ഉപഭോഗം 1.30 ശതമാനം വച്ച് വര്‍ധിക്കുമെന്നാണ് കണക്കുകൂട്ടുന്നത്. 2024 മുതല്‍ 2035 വരെ ഈ വര്‍ധന തുടരും. ഈ സ്ഥിതി തുടര്‍ന്നാല്‍ 2035 അവസാനം ആകുമ്പോഴേക്കും ബിയറിന്റെ വില്‍പന 41 ബില്യണ്‍ ലിറ്ററായി ഉയരുമെന്നാണ് വിലയിരുത്തല്‍. കഴിഞ്ഞ വര്ഷം ഇത് 35 ബില്യണ്‍ ലിറ്ററായിരുന്നു. കഴിഞ്ഞ പത്ത് വര്‍ഷമായി ചൈനയില്‍ ബിയര്‍ വില്‍പന താഴേക്കാണ്. 2013ല്‍ 50 ബില്യണ്‍ ലിറ്റര്‍ ആയിരുന്നു ചൈനയിലെ ബിയര്‍ ഉപഭോഗം. എന്നാല്‍ 2014 മുതല്‍ 2024 വരെ ബിയര്‍ ഉപഭോഗത്തില്‍ കാര്യമായ കുറവുണ്ടായി. അടുത്ത പത്ത് വര്ഷം കൊണ്ട് ഉപഭോഗം പഴയ ഉയര്‍ച്ചയിലേക്ക് എത്തുമെന്നാണ് കണക്കുകൂട്ടല്‍.
ബിയറിന്റെ വിലയിലും മുന്നേറ്റമുണ്ടാകുമെന്നാണ് വിപണി വിദഗ്ധര്‍ പറയുന്നത്. ശരാശരി വാര്‍ഷിക വില വര്‍ധന 2.8 ശതമാനമായിരിക്കും. 2035 ആകുമ്പോഴേക്കും ചൈനയിലെ ആകെ ബിയര്‍ വിപണി മൂല്യം 33.3 ബില്യണ്‍ ഡോളറായിരിക്കും.
അതേസമയം, നാലാം വര്‍ഷവും ചൈന വിദേശത്തേക്ക് ബിയര്‍ കയറ്റുമതിയില്‍ വളര്‍ച്ച രേഖപ്പെടുത്തി, 2024 ല്‍ ഇത് 7.1% വര്‍ദ്ധിച്ച് 665 മില്യണ്‍ ലിറ്ററായി. കയറ്റുമതി 2024 ല്‍ ഏറ്റവും ഉയര്‍ന്ന നിലയിലെത്തി, വരും വര്‍ഷങ്ങളില്‍ വളര്‍ച്ച തുടരാന്‍ സാധ്യതയുണ്ട്. മൂല്യത്തിന്റെ അടിസ്ഥാനത്തില്‍, ബിയര്‍ കയറ്റുമതി 2024 ല്‍ 466 മില്യണ്‍ ഡോളറായി ഉയര്‍ന്നു.
