പീക്ക് സമയത്ത് മൂന്നിരട്ടി ചാർജ്ജ് വർധിക്കുമോ, കെഎസ് ഇബിയുടെ പുതിയ ബില്ലിം​ഗ് സംവിധാനത്തിൽ കണക്കുകളിങ്ങനെ?

കെഎസ്ഇബിയുടെ ‘ടൈം ഓഫ് ഡേ’ (ToD) ബില്ലിംഗ് സംവിധാനം കറണ്ട് ചാര്‍ജ് വര്‍ധിപ്പിക്കുമെന്ന തരത്തിൽ വ്യാപക പ്രചാരണമുണ്ട്. പകല്‍ സമയത്ത് 25% വൈദ്യുതി നിരക്ക് കുറയുകയും പീക്ക് സമയത്ത് മൂന്നിരട്ടി വര്‍ധനവുണ്ടാകുമെന്നും അവകാശപ്പെടുന്ന പോസ്റ്റുകളാണിവ.
പോസ്റ്റ് ഇങ്ങനെ
“ഒരു പ്രധാന അറിയിപ്പ്
കേരളത്തില്‍ കെഎസ്ഇബിയില്‍ TOD( ടൈംസ് ഓഫ് ദ ഡേ) സംവിധാനം നിലവില്‍ വന്നു. അത് പ്രകാരം വൈദ്യുത നിരക്കിന്റെ സ്ഥിതി
1) രാവിലെ ആറു മുതല്‍ വൈകുന്നേരം ആറു വരെ 25% കുറവ് നിരക്ക്
2) വൈകുന്നേരം 6 മുതല്‍ രാത്രി 10 വരെ 3 ഇരട്ടി വര്‍ദ്ധനവ്
3) രാത്രി 10 മുതല്‍ രാവിലെ ആറുവരെ സാധാരണ നിരക്ക്. “എന്നു തുടങ്ങുന്ന ഫേസ്ബുക്ക്

വൈദ്യുതി ഉപയോഗിക്കുന്ന സമയത്തെ അടിസ്ഥാനമാക്കി താരിഫ് നിരക്ക് നിര്‍ണയിക്കുന്ന രീതിയാണ് ടിഒഡി ബില്ലിങ്. ഇതുപ്രകാരം ഒരു ദിവസത്തെ മൂന്ന് വ്യത്യസ്ഥ ടൈം സോണുകളായി തിരിച്ചാണ് നിരക്ക് കണക്കാക്കുന്നത്. നോര്‍മല്‍ ടൈം-T1 (6:00am-6:00pm), പീക്ക് ടൈം-T2 (6:00pm-10:00pm), നോണ്‍-പീക്ക് ടൈം T3 (10:00pm-6:00am) എന്നിങ്ങനെയാണ് തരംതിരിച്ചിട്ടുള്ളത്. പീക്ക് സമയങ്ങളില്‍ സാധാരണ താരിഫിന്റെ 25% അധികമുള്ള തുകയും നോണ്‍-പീക്ക് സമയങ്ങളില്‍ സാധാരണ താരിഫുമായിരിക്കും. T1 അഥവാ നോര്‍മല്‍ സമയങ്ങളില്‍ ഉപയോഗിക്കുമ്പോള്‍ വൈദ്യുതി നിരക്ക് താരിഫിന്റെ 10% കുറവുമായിരിക്കും. ഇതു സംബന്ധിച്ച് കെഎസ്ഇബിയുടെ വെബ്‌സൈറ്റില്‍ നല്‍കിയിട്ടുഉയോക്താക്കള്‍ക്ക് താരിഫ് തുകയോടൊപ്പം അതിന്റെ 25% അധിക തുകയാണ് പീക്ക് സമയത്ത് നല്‍കേണ്ടി വരുന്നത്.

2025 ജനുവരി മുതലാണ് ഗാര്‍ഹിക ഉപഭോക്താക്കള്‍ക്ക് കെഎസ്ഇബി ടിഒഡി ബാധകമാക്കിയത്. 250 യൂണിറ്റിന് മുകളില്‍ വൈദ്യുതി ഉപയോഗിക്കുന്നവര്‍ക്ക് മാത്രമണ് ഈ സംവിധാനത്തില്‍ ബില്‍ തുക കണക്കാക്കുന്നത്.

കെഎസ്ഇബി ബില്‍ കണക്കാക്കുന്ന രീതി

പോസ്റ്റില്‍ വൈദ്യുതി താരിഫ് നല്‍കിക്കൊണ്ട് ബില്‍ കണക്കാകുന്ന ഒരു പട്ടിക നല്‍കിയിട്ടുണ്ട്. ഇതും തെറ്റിദ്ധരിപ്പിക്കുന്നതാണ്. 250 യൂണിറ്റ് വരെയുള്ള ഉപയോഗത്തിന് ടെലിസ്‌കോപിക് രീതിയിലാണ് (ഓരോ 50 യൂണിറ്റിനും തുക കൂടുന്ന രീതി) കെഎസ്ഇബി വൈദ്യുതി നിരക്ക് കണക്കാക്കുന്നത്. 250 യൂണിറ്റില്‍ കൂടുതല്‍ ഉപയോഗം വന്നാല്‍ മാത്രമെ നോണ്‍ ടെലസ്‌കോപിക്ക് രീതി (എല്ലാ യൂണിറ്റിനും ഒരേ തുക) ഈടാക്കുകയുള്ളു