പ്രായഭേദമില്ലാതെ രാജ്യത്തെ എല്ലാ പൗരന്മാര്‍ക്കും പാന്‍ കാര്‍ഡ് ഉണ്ടായിരിക്കേണ്ടതിന്റെ പ്രാധാന്യത്തെക്കുറിച്ച് ആദായനികുതി വകുപ്പ് മെയ് 8-ന് ഒരു ഇ-കാമ്പെയ്ന്‍ തുടങ്ങിയിരിക്കുകയാണ്്. ഈ ഇ-കാമ്പെയ്നിന്റെ ഭാഗമായി 18 വയസ്സിന് താഴെയുള്ളവര്‍ക്ക് പാന്‍ കാര്‍ഡ് എടുക്കേണ്ടതിന്റെ ആവശ്യകതയും ആദായനികുതി വകുപ്പ് വ്യക്തമാക്കുന്നുണ്ട്. സാമ്പത്തിക കാര്യങ്ങള്‍ നടത്തുന്നത് മുതിര്‍ന്നവര്‍ മാത്രമല്ല, മൈനര്‍ ആയിട്ടുള്ളവര്‍ക്കും സാമ്പത്തിക കാര്യങ്ങള്‍ക്കായി പാന്‍ കാര്‍ഡ് ആവശ്യമായി വന്നേക്കാം. പ്രായപൂര്‍ത്തിയാകാത്തവര്‍ക്ക് കാര്‍ഡ് എടുക്കേണ്ടതെങ്ങനെയെന്ന് അറിയാം.
- NSDL വെബ്‌സൈറ്റില്‍ നിന്ന് ് ഫോം 49A ഡൗണ്‍ലോഡ് ചെയ്യുക
- ഫോം 49A പൂരിപ്പിക്കുക, നിര്‍ദ്ദേശങ്ങള്‍ ശ്രദ്ധാപൂര്‍വ്വം വായിക്കുക, ശരിയായ വിഭാഗം തിരഞ്ഞെടുത്ത് എല്ലാ വ്യക്തിഗത വിവരങ്ങളും പൂരിപ്പിക്കുക.
- കുട്ടിയുടെ ജനന സര്‍ട്ടിഫിക്കറ്റ്, ആവശ്യമായ രേഖകള്‍, മാതാപിതാക്കളുടെ ഫോട്ടോ എന്നിവ അപ്ലോഡ് ചെയ്യുക.
- മാതാപിതാക്കളുടെ ഒപ്പ് അപ്ലോഡ് ചെയ്ത് 107 രൂപ ഫീസ് അടക്കുക.
- അപേക്ഷാ നില ട്രാക്ക് ചെയ്യുന്നതിന് ഫോം സമര്‍പ്പിക്കുകയും രസീത് നമ്പര്‍ സ്വീകരിക്കുകയും ചെയ്യുക.
- പരിശോധിച്ചുറപ്പിച്ചതിന് ശേഷം, 15 ദിവസത്തിനുള്ളില്‍ നിങ്ങള്‍ക്ക് പാന്‍ കാര്‍ഡ് ലഭിക്കും.
ഓഫ്ലൈന്‍ അപേക്ഷ
- ഔദ്യോഗിക വെബ്‌സൈറ്റില്‍ നിന്നോ NSDL ഓഫീസില്‍ നിന്നോ ഫോം 49A നേടുക.
- ഫോം പൂരിപ്പിക്കുക. കുട്ടിയുടെ രണ്ട് ഫോട്ടോകളും ആവശ്യമായ രേഖകളും അറ്റാച്ചുചെയ്യുക.
- പൂരിപ്പിച്ച ഫോമും രേഖകളും അടുത്തുള്ള NSDL ഓഫീസില്‍ ഫീസ് സഹിതം സമര്‍പ്പിക്കുക.
