ഭൂമിയിലല്ലാതെ ഈ പ്രപഞ്ചത്തിൽ മറ്റെവിടെയെങ്കിലും ജീവൻ ഉണ്ടോ? ആയിരക്കണക്കിന് ഗാലക്സികൾ പ്രപഞ്ചത്തിലുണ്ട് . ഓരോ ഗാലക്സിയിലും കോടിക്കണക്കിന് നക്ഷത്രങ്ങളുമുണ്ട്. ആ സാധ്യതകൾക്കിടയിലും, ജീവൻ കണ്ടെത്തിയ ഒരേയൊരു സ്ഥലം നമ്മുടെ ചെറിയ ഭൂമിയാണെന്ന് കരുതുന്നത് അസംഭവ്യമായി തോന്നുന്നു. ചൊവ്വയിൽ നിന്നുള്ള ഉൽക്കാശിലകൾ, ഛിന്നഗ്രഹങ്ങളിൽ നിന്ന് ശേഖരിച്ച പൊടിപടലങ്ങൾ എന്നിവ പോലുള്ള അന്യഗ്രഹത്തിൽ നിന്നും ബഹിരാകാശത്തുനിന്നുമുള്ള വസ്തുക്കളെ നാം കൂടുതൽ പഠിക്കുന്തോറും ഇതിനെ ഊട്ടിയുറപ്പിക്കുന്ന കണ്ടെത്തലുകളാണ് പുറത്തുവരുന്നത്.
. ഇത്തരത്തിലുള്ള ഏറ്റവും ശ്രദ്ധേയമായ കണ്ടെത്തൽ ജനുവരിയിലാണ് പുറത്തുവന്നത്, ബെന്നു എന്ന ഛിന്നഗ്രഹത്തിൽ നിന്ന് ലഭിച്ച ഒരു സാമ്പിളിനുള്ളിൽ മനുഷ്യ പ്രോട്ടീനുകൾ നിർമ്മിക്കുന്ന 20 അമിനോ ആസിഡുകളിൽ 14 എണ്ണം കണ്ടെത്തിയതായി ശാസ്ത്രജ്ഞർ പ്രഖ്യാപിച്ചു. വാസ്തവത്തിൽ, നമ്മുടെ ഡിഎൻഎ (അഡിനൈൻ, ഗുവാനൈൻ, സൈറ്റോസിൻ, തൈമിൻ, യുറസിൽ) നിർമ്മിക്കുന്ന അഞ്ച് ന്യൂക്ലിയോടൈഡ് ബേസുകളും അതിൽ അവർ കണ്ടെത്തി. അപ്പോൾ, ഇതെല്ലാം എന്താണ് അർത്ഥമാക്കുന്നത്? ഭൂമിയിലെ ജീവൻ മറ്റൊരു ലോകത്തിൽ നിന്ന് ഉത്ഭവിച്ചതാണോ. അതായത് നമ്മൾ തന്നെ അന്യഗ്രഹജീവികളോ അവരുടെ അടുത്ത ബന്ധുക്കളോ ആവാം.
അതേസമയം, അന്യഗ്രഹജീവികൾ ഉണ്ടോ എന്ന് ഉത്തരം നൽകുന്നതിന് ഒരു പുതിയ മാർഗം ശാസ്ത്രജ്ഞരുടെ ഒരു സംഘം സൃഷ്ടിച്ചിട്ടുണ്ട്.
അരിസോണ സർവകലാശാലയിലെ ജ്യോതിശാസ്ത്രജ്ഞനും ജ്യോതിർജീവശാസ്ത്രജ്ഞനുമായ ഡാനിയേൽ അപായ് ആണ് ഇതിന് പിന്നിൽ
എക്സോപ്ലാനറ്റുകളെക്കുറിച്ച് പഠിക്കുകയാണ് അദ്ദേഹം ചെയ്യുന്നത്.എക്സോപ്ലാനറ്റുകൾ വാസയോഗ്യമാണോ എന്ന് കണ്ടെത്തുന്നത് ബുദ്ധിമുട്ടാണ്, അതുകൊണ്ട് തന്നെ സമാന സാഹചര്യത്തിൽ എങ്ങനെയാണ് ജീവൻ വളരുകയെന്നത് നോക്കിയാണ് ഈ ഗവേഷണം നടത്തുന്നത്.
ഹിമാലയത്തിൽ വസിക്കുന്ന പ്രാണികൾ അല്ലെങ്കിൽ സമുദ്രത്തിന്റെ അടിത്തട്ടിലെ ഹൈഡ്രോതെർമൽ വെന്റുകളിൽ വസിക്കുന്ന സൂക്ഷ്മാണുക്കൾ പോലുള്ള അങ്ങേയറ്റത്തെ പരിതസ്ഥിതികളിൽ വസിക്കുന്ന ജീവികളുടെ ഒരു വലിയ ഡാറ്റാബേസ് ഇതിനായി ഗവേഷകർ ഉണ്ടാക്കും.ശാസ്ത്രജ്ഞർ ജീവന്റെ ഒരു സാധ്യതയുള്ള ഒരു കണിക കണ്ടെത്തിയാൽ അതൊരു കുതിച്ചുചാട്ടമായിരിക്കും എന്ന് അപായ് പറയുന്നു.
